ब्रेकिंगमहाराष्ट्र
शिंदीत गुंगीकारक औषध मिसळल्याचा आरोप; तरुणाच्या मृत्यूप्रकरणी गुन्हा दाखल!
उमरग्यातील २५ वर्षीय तरुणाच्या मृत्यूला नवे वळण; नळदुर्ग पोलिसांत भारतीय न्याय संहितेनुसार कारवाई
0
8
5
6
2
9
शिंदीत गुंगीकारक औषध मिसळल्याचा आरोप; तरुणाच्या मृत्यूप्रकरणी गुन्हा दाखल!
उमरग्यातील २५ वर्षीय तरुणाच्या मृत्यूला नवे वळण; नळदुर्ग पोलिसांत भारतीय न्याय संहितेनुसार कारवाई
नळदुर्ग | तुळजापूर नामा
शिंदीमध्ये जास्त प्रमाणात गुंगीकारक औषध मिसळल्यामुळे २५ वर्षीय तरुणाचा मृत्यू झाल्याचा आरोप समोर आला आहे. या प्रकरणी नळदुर्ग पोलिसांनी प्रतिक्षा दयानंद भोसले (रा. वत्सलानगर, अणदूर, ता. तुळजापूर) यांच्याविरुद्ध भारतीय न्याय संहितेच्या कलम १०५ आणि १२३ अन्वये गुन्हा दाखल केला आहे. ही घटना ८ ऑगस्ट २०२५ रोजी घडल्याचे पोलिसांच्या नोंदीत नमूद आहे.
पोलिसांनी दिलेल्या माहितीनुसार, ईश्वर बाबू कल्लमुळे (वय २५, रा. मुळज रोड, उमरगा) आणि गोविंद तुळशीराम विभुते हे दोघे संबंधित ठिकाणी शिंदी पिण्यासाठी गेले होते. त्यावेळी शिंदीमध्ये जास्त प्रमाणात गुंगीकारक औषध मिसळल्याने ईश्वर यांना चक्कर येऊन ते बेशुद्ध पडले आणि त्यांचा मृत्यू झाला, असा आरोप तक्रारीत करण्यात आला आहे.
या घटनेची नळदुर्ग पोलीस ठाण्यात सुरुवातीला आकस्मिक मृत्यू म्हणून नोंद करण्यात आली होती. पुढील तपासात माहिती समोर आल्यानंतर मृताचे वडील बाबू लक्ष्मण कल्लमुळे (वय ५२, रा. भारतनगर, मुळज रोड, उमरगा) यांनी १५ ऑक्टोबर २०२६ रोजी पोलिसांत प्रथम खबर दिली.
या तक्रारीच्या आधारे पोलिसांनी संबंधित महिलेविरुद्ध गुन्हा नोंदवला असून, प्रकरणाचा पुढील तपास सुरू आहे. आरोपांची सत्यता तपासातून स्पष्ट होणार आहे.
0
8
5
6
2
9
