धक्कादायक! दोन ठिकाणी गोमांसाची बेकायदेशीर वाहतूक उघड – लाखो रुपयांचा मुद्देमाल जप्त

धक्कादायक! दोन ठिकाणी गोमांसाची बेकायदेशीर वाहतूक उघड – लाखो रुपयांचा मुद्देमाल जप्त

धाराशिव जिल्ह्यात गोवंशीय जनावरांच्या बेकायदेशीर कत्तल व मांस वाहतुकीच्या दोन गंभीर घटना समोर आल्या असून पोलिसांनी तत्पर कारवाई करत लाखो रुपयांचा मुद्देमाल जप्त केला आहे. या घटनांमुळे परिसरात खळबळ उडाली आहे.

▪️बेंबळी येथे ट्रकमध्ये ७ टन संशयित गोमांस जप्त

बेंबळी पोलीस ठाण्याच्या हद्दीत उजणी रोडवरील समाधान हॉटेलजवळ दि. ९ एप्रिल रोजी पहाटे ४ वाजण्याच्या सुमारास ही कारवाई करण्यात आली.
यासीन साईबाबा शेख (रा. खिरणीमळा, ता. जि. धाराशिव) हा ट्रक (क्र. MH 18 BA 0518) मध्ये पशुवैद्यकीय विभागाची कोणतीही पूर्वपरवानगी न घेता सुमारे ७ टन संशयित गोमांस बाळगून वाहतूक करताना आढळून आला.

▪️या कारवाईत:

गोमांस किंमत: रू.8,40,000
वाहनासह एकूण मुद्देमाल: ₹18,40,000 फिर्यादी ओंकार सुधीर जाधव (रा. अयोध्यानगर हाडको, ता. तुळजापूर) यांच्या तक्रारीवरून आरोपीविरुद्ध महाराष्ट्र प्राणी संरक्षण अधिनियम कलम 5 (क), 9(अ) अंतर्गत गुन्हा दाखल करण्यात आला आहे.

▪️आनंदनगर येथे पिकअप सोडून चालक फरार

दरम्यान, आनंदनगर पोलीस ठाण्याच्या हद्दीत दुसरी घटना उघडकीस आली.दि.९ एप्रिल रोजी सकाळी ८:३० वाजण्याच्या सुमारास एक महिंद्रा बोलेरो पिकअप (क्र. MH 25 AJ 5535) संशयास्पद अवस्थेत आढळून आला.पोलिसांनी तपास केला असता:सुमारे ६०० किलो संशयित गोमांस (किंमत रु.1,08,000) वाहनासह एकूण मुद्देमाल: रुपये 4,08,000 वाहन पंक्चर झाल्यामुळे अज्ञात चालक तेथेच पिकअप सोडून फरार झाला असल्याचे समोर आले. या प्रकरणी पोलिसांनी सरकारतर्फे गुन्हा नोंदवून पुढील तपास सुरू केला आहे.

▪️पोलिसांची कारवाई, तपास सुरू

दोन्ही घटनांमध्ये महाराष्ट्र प्राणी संरक्षण अधिनियमांतर्गत गुन्हे दाखल करण्यात आले असून संबंधित आरोपींचा शोध व पुढील तपास सुरू आहे.
या कारवाईमुळे जिल्ह्यातील बेकायदेशीर गोमांस वाहतुकीवर मोठा आळा बसण्याची शक्यता व्यक्त केली जात आहे.

▪️निष्कर्ष:

धाराशिव जिल्ह्यात पोलिसांनी केलेल्या या दुहेरी कारवाईमुळे गोवंशीय जनावरांच्या बेकायदेशीर कत्तल व वाहतुकीविरोधात कठोर संदेश दिला गेला आहे.

0 7 6 4 8 7