ब्रेकिंगमहाराष्ट्र
तुळजापूरात अवैध धंद्यांचा सुळसुळाट; पोलिस निष्क्रियतेविरोधात नगराध्यक्षांचा ठिय्या आंदोलनाचा इशारा
जुगार, मटका, देहविक्री खुलेआम सुरूच;"मूळ सूत्रधारांवर कारवाई करा"- नगराध्यक्ष विनोद गंगणे
0
6
7
8
4
1
तुळजापूरात अवैध धंद्यांचा सुळसुळाट; पोलिस निष्क्रियतेविरोधात नगराध्यक्षांचा ठिय्या आंदोलनाचा इशारा
जुगार, मटका, देहविक्री खुलेआम सुरूच;”मूळ सूत्रधारांवर कारवाई करा”- नगराध्यक्ष विनोद गंगणे
तुळजापूर : आई तुळजाभवानीच्या पवित्र नगरीत अवैध धंद्यांनी अक्षरशः डोके वर काढल्याचा गंभीर आरोप करत नगराध्यक्ष विनोद विलासराव गंगणे यांनी पोलिस प्रशासनावर थेट हल्लाबोल केला आहे. शहरात सुरू असलेल्या जुगार, मटका, तिरट, चक्री तसेच देहविक्रीसारख्या प्रकारांवर तात्काळ आळा घालावा, अन्यथा पुढील आठवड्यात पोलिस ठाण्यासमोर ठिय्या आंदोलन छेडले जाईल, असा इशारा त्यांनी दिला आहे.यासंदर्भात नगराध्यक्ष गंगणे यांनी तुळजापूर पोलिस निरीक्षकांना लेखी निवेदन सादर केले आहे.
गावठी पिस्तुलांचा वाढता धोका; फायरिंगच्या घटनांची चौकशीची मागणी तुळजापूर शहरात अवैध गावठी पिस्तुलांचा वापर वाढत असल्याचीही गंभीर बाब समोर आली आहे. मागील दोन महिन्यांत दोन ठिकाणी फायरिंगच्या घटना घडल्या असून तीसरे प्रकरण आठवडा बाजार परिसरात एका आरोपीला गावठी बंदुकीसह पोलिसांनी ताब्यात घेतले आहे. या प्रकरणांची सखोल चौकशी करून दोषींवर कठोर कारवाई करावी, अशी मागणीही करण्यात आली आहे.
0
6
7
8
4
1
