ब्रेकिंगमहाराष्ट्र
नळदुर्ग-तुळजापूर मार्गावर कारची दुचाकीला समोरासमोर धडक; ५१ वर्षीय अनिल काळे यांचा मृत्यू! निष्काळजी कारचालकाविरुद्ध गुन्हा दाखल
0
8
5
6
2
6
नळदुर्ग-तुळजापूर मार्गावर कारची दुचाकीला समोरासमोर धडक; ५१ वर्षीय अनिल काळे यांचा मृत्यू! निष्काळजी कारचालकाविरुद्ध गुन्हा दाखल
नळदुर्ग : तुळजापूरनामा
नळदुर्ग-तुळजापूर मार्गावरील हॉटेल सत्यमजवळ कारने दुचाकीला समोरून धडक दिल्याने झालेल्या अपघातात नळदुर्ग येथील अनिल सोपान काळे (वय ५१) यांचा मृत्यू झाला. ही घटना १४ ऑक्टोबर २०२६ रोजी सकाळी १० वाजण्याच्या सुमारास घडली. याप्रकरणी मृताचे पुत्र आकाश काळे यांनी २२ ऑक्टोबर रोजी दिलेल्या फिर्यादीवरून नळदुर्ग पोलिसांनी कारचालकाविरुद्ध गुन्हा दाखल केला आहे.
पोलिसांनी दिलेल्या माहितीनुसार, अनिल काळे हे ज्योतिबा जगताप आणि शिवाजी चौधरी यांच्यासोबत मोटारसायकल क्रमांक एमएच १४ ईडी ०१९५ वरून प्रवास करत होते. त्यावेळी तेलंगणा राज्यातील महेबुबनगर जिल्ह्यातील रहिवासी नैनावथ विजयकुमार नैनावथ वसुराम हा कार क्रमांक टीजी ०८ एपी ०७१८ घेऊन जात होता. त्याने कार हयगयीने व निष्काळजीपणे चालवून ज्योतिबा जगताप यांच्या मोटारसायकलला समोरून धडक दिल्याचा आरोप फिर्यादीत करण्यात आला आहे.
या धडकेत अनिल काळे गंभीर जखमी झाले. मात्र, या अपघातात त्यांचा मृत्यू झाला. घटनेनंतर दाखल झालेल्या फिर्यादीवरून नळदुर्ग पोलिसांनी भारतीय न्याय संहिता कलम २८१, १२५(अ), १२५(ब) आणि १०६(१) अन्वये गुन्हा नोंदविला आहे. या प्रकरणाचा पुढील तपास नळदुर्ग पोलीस करीत आहेत.
0
8
5
6
2
6
