ब्रेकिंगमहाराष्ट्र
ढोकीत चोरट्यांचा धुमाकूळ! दोन घरांचे कुलूप तोडून सोन्याचे दागिने, रोकड लंपास; चोरीप्रकरणी गुन्हा दाखल
ढोकी पोलिस ठाणे
0
8
5
6
3
1
ढोकीत चोरट्यांचा धुमाकूळ! दोन घरांचे कुलूप तोडून सोन्याचे दागिने, रोकड लंपास; चोरीप्रकरणी गुन्हा दाखल
धाराशिव : तुळजापूरनामा
ढोकी येथे चोरट्यांनी दोन घरांना लक्ष्य करत सोन्याचे दागिने आणि रोख रक्कम लंपास केल्याची घटना उघडकीस आली आहे. २० ऑक्टोबर रोजी मध्यरात्री साडेबारा ते पहाटे पाचच्या सुमारास अज्ञात व्यक्तीने घरांचे कुलूप तोडून आत प्रवेश केला. या चोरीत दोन घरांतील दागिने व रोकड चोरीस गेल्याची फिर्याद ढोकी पोलीस ठाण्यात दाखल करण्यात आली आहे.
पोलिसांनी दिलेल्या माहितीनुसार, ढोकी येथील पद्युम्र हनुमंत हाजगुडे (वय २९) यांच्या राहत्या घराचे कुलूप तोडून चोरट्यांनी आत प्रवेश केला. घरातील सुमारे दोन तोळे सहा ग्रॅम वजनाचे सोन्याचे दागिने आणि २१ हजार रुपये रोख असा एकूण ९९ हजार ५०० रुपयांचा मुद्देमाल चोरीस गेल्याचे फिर्यादीत नमूद आहे.
याच घटनेत रजिंत शिवाजी शिंदे यांच्या घरातून पाच ग्रॅम वजनाची सोन्याची अंगठी आणि तीन हजार रुपये रोख चोरीस गेल्याचेही फिर्यादीत म्हटले आहे. या चोरीमुळे परिसरात खळबळ उडाली आहे.
या प्रकरणी पद्युम्र हाजगुडे यांनी २० ऑक्टोबर रोजी दिलेल्या फिर्यादीवरून ढोकी पोलीस ठाण्यात भारतीय न्याय संहिता कलम ३३१(४) आणि ३०५(अ) अन्वये अज्ञात व्यक्तीविरुद्ध गुन्हा नोंदविण्यात आला आहे. चोरट्यांचा शोध घेण्यासाठी पोलिसांकडून पुढील तपास सुरू आहे.
0
8
5
6
3
1
