तुळजापूर ;गर्दीचा फायदा घेत सोन्याचे लॉकेट लंपास!
गर्दीत अज्ञात चोरट्याने सोन्याचे मौल्यवान लॉकेट लंपास केले
तुळजापूर ;गर्दीचा फायदा घेत सोन्याचे लॉकेट लंपास!
गर्दीत अज्ञात चोरट्याने सोन्याचे मौल्यवान लॉकेट लंपास केले
तुळजापूर : प्रतिनिधी
श्री तुळजाभवानी देवी मंदिर परिसरात पुन्हा एकदा चोरीची घटना घडली आहे. दर्शनासाठी आलेल्या भाविकाचा गळ्यातील सोन्याचे लॉकेट अज्ञात चोरट्याने गर्दीचा फायदा घेत लंपास केल्याची घटना उघडकीस आली आहे.
मिळालेल्या माहितीनुसार, फिर्यादी धनंजय बाळासाहेब हिप्परकर (वय 49, रा. खाडगाव रोड, लातूर) हे दि. 21 सप्टेंबर 2025 रोजी रात्री अंदाजे 11 वाजता श्री तुळजाभवानी मंदिराच्या मुख्य द्वाराजवळ असताना त्यांच्या गळ्यातील सुमारे 50 ग्रॅम वजनाचे सोन्याचे लॉकेट (अंदाजे किंमत ₹1,75,000) अज्ञात व्यक्तीने चोरून नेले.
ही घटना लक्षात आल्यानंतर हिप्परकर यांनी दि. 16 ऑक्टोबर 2025 रोजी तुळजापूर पोलीस ठाण्यात तक्रार दाखल केली. पोलिसांनी तत्काळ फिर्याद नोंदवून भारतीय दंड संहिता कलम 380(2) (घरफोडी वा चोरी) अंतर्गत गुन्हा दाखल केला आहे.
या प्रकरणाचा पुढील तपास तुळजापूर पोलीस ठाण्याचे अधिकारी करीत आहेत. यात्रेच्या काळात मंदिर परिसरात होणाऱ्या गर्दीचा गैरफायदा घेत चोरीच्या घटना वाढत असल्याने भाविकांनी किमती दागिने व मौल्यवान वस्तू सुरक्षित ठेवाव्यात, असे आवाहन पोलिसांकडून करण्यात आले आहे.
