तुळजाभवानी मंदिर परिसरात बालभिक्षेकारीवर कारवाई! नऊ बालभिक्षेकरी मुले ताब्यात; सर्व मुले स्थानिक धाराशिव -तुळजापूर परिसरातील

तुळजाभवानी मंदिर परिसरात बालभिक्षेकारीवर कारवाई!

नऊ बालभिक्षेकरी मुले ताब्यात; सर्व मुले स्थानिक धाराशिव -तुळजापूर परिसरातील

तुळजापूर : तुळजापूर नामा

श्री तुळजाभवानी मंदिर परिसरात बालभिक्षावृत्ती रोखण्यासाठी करण्यात आलेल्या कारवाईत दि.१३ ऑक्टोबर रोजी एकूण नऊ बालभिक्षेकरी मुलांना ताब्यात घेण्यात आले. ही सर्व मुले धाराशिव जिल्ह्यातील तुळजापूर परिसरातील स्थानिक रहिवासी असल्याची माहिती मिळाली आहे.

मंदिर परिसरात दर्शनासाठी दररोज मोठ्या संख्येने भाविक येतात. अशा गर्दीच्या ठिकाणी लहान मुले भिक्षा मागताना आढळल्याने त्यांच्या सुरक्षिततेचा, शिक्षणाचा आणि संगोपनाचा प्रश्न पुन्हा चर्चेत आला आहे. या पार्श्वभूमीवर नऊ मुलांना ताब्यात घेण्यात आल्याची माहिती समोर आली आहे.

▪️बालकांच्या भविष्याचा प्रश्न ऐरणीवर

बालभिक्षावृत्ती ही केवळ कायदा-सुव्यवस्थेची बाब नसून, ती सामाजिक आणि बालसंरक्षणाशी संबंधित गंभीर समस्या आहे. मुलांना भिक्षा मागण्याची वेळ का आली, त्यांच्या कुटुंबांची परिस्थिती काय आहे आणि त्यांना शिक्षण व आवश्यक सुविधा मिळत आहेत का, याची चौकशी होणे गरजेचे आहे.

▪️चौकशी आणि पुनर्वसन महत्त्वाचे

ताब्यात घेतलेल्या मुलांच्या कौटुंबिक परिस्थितीची पडताळणी करून त्यांच्या हिताला प्राधान्य देणे आवश्यक आहे. गरजेनुसार बालसंरक्षण यंत्रणेच्या माध्यमातून समुपदेशन, शिक्षण आणि पुनर्वसनाची व्यवस्था करण्यात यावी. मंदिर परिसरात बालभिक्षावृत्ती पुन्हा उद्भवू नये, यासाठी प्रशासनाने सातत्याने लक्ष देण्याची गरज आहे.

बालकांना सुरक्षित बालपण, शिक्षण आणि योग्य संगोपन मिळावे, यासाठी संबंधित यंत्रणांनी समन्वयाने कार्यवाही करणे महत्त्वाचे ठरणार आहे.

बाल संरक्षण अधिकारी अमोल कोवे,बाल सहाय्य पोलीस पथक सदस्य, स्वाती शिंदे, आणि पोलीस प्रशासन यांनी ही कारवाई केली.

0 8 5 6 3 3